SALA GURUGU
PRESENTA A
RAQUEL QUEIZAS
EN
ROMARIA
dOMINGO 8 DE SEPTIEMBRE
ÁS 12,30 E 18,30
Duración: 50 minutos Publico: familiar, a partir de 3 anos
Creado, dirixido e interpretado por Romaría é un espectáculo de narración oral onde as nosas lendas tradicionais achegan o mundo rural e antigo aos rapaces, descubríndolles un modo de vida descoñecido para os máis deles. Queliña, unha nena de aldea, ten que rematar de apañar as patacas para que a deixen ir á romaría. Alí quedou cos amigos para brincar, bailar e facer carreiras de sacos. Cara á tardiña, antes de que remate a festa, todos os rapaces buscan a avoa Tareixa para que lles conte lendas, lendas para perder o medo. Á velliña xa lle falla a memoria e é moi despistada, pero as historias que escoitou de nena, esas, non as esquece: lendas de mouras encantadas en fontes, historias de sacos que cantan e lendas que seguen mantendo aos nenos atentos, abraiados, coa boca aberta, escoitando cómplices. As lendas e os contos tradicionais non pasaron de moda; pola contra, están de plena actualidade, xa que a través deles se poden tratar temáticas moi presentes hoxe en día como son a violencia, a diversidade, o medio ambiente ou os hábitos saudables, entre outros.
No hay comentarios:
Publicar un comentario