SALA GURUGÚ
PRESENTA
NO MARCO DO “FESTIVAL ESCENA MULLER
AAntena Teatro
Judy Garland
17 y 24 -noviembre 01de diciembre
21.00 h.
Con motivo dun mes feminino (o 25 de Novembro é internacionalmente o día contra a violencia de xénero). A Sala Gururgú confía no creador coruñés Xosé Leis para levar a cabo unha proposta habitual nas grandes urbes, manter un espectáculo programado cunha temática social de actualidade durante todo un mes de concienciación.
Os VENRES 17 e 24 de NOVEMBRO e o 1 de DECEMBRO porase en escena este espectáculo dirixido por XOSE LEIS
ONDE
Na SALA GURUGÚ (Agra do Orzán 3, A Coruña)
SINOPSE
Todos somos Judy. Judy Garland pasou pola vida buscando un motivo para pasar pola vida. É un deporte perigoso. Buscar un motivo para vivir é un deporte de alto risco. Un pode chegar á conclusión de que a vida non ten sentido.
Todos somos Judy. Todos buscamos sermos queridos. Achegámonos á persoa equivocada, alonxámonos da persoa qe nos puido amar, asasinamos a esperanza da verdade. Todos desexamos o ben para os demais, pensamos que a nosa viaxe polo mundo é unha viaxe especial. Todos quixemos bicar as estrelas, Todos quixemos algunha vez ser unha estrela
Todos somos Judy Garland, por iso, faremos unha viaxe a carón de Judy, aferrandonos forte da súa man dereita, sentindo a suor fria que brota antes do espectáculo. Judy só falará un intre. Prégase silenzo para a súa actuación estelar. Mentres tanto camiñaremos a súa deriva polas baldosas amarelas, sen apartar a mirada da súa figura. Je suis Judy
O 22 de xuño de 1969 é o día do pasamento de Judy Garland. Icona gay na que se reflectía a nosa protagonista homenaxeando e imitando todos os seus movementos e comportamentos.
A noite do 28 de xuño de 1969 a policía irrumpe en redada no “Stonewall Inn” un bar gay de Greenwich Village.
Aquela noite estaban a velar o deceso da súa musa Judy Garland.
A resistencia ofrecida polos clientes do local fronte da irrupción policial supón o punto de partida na loita dos homosexuais para que a sociedadde e as leis recoñeceran os seu dereitos.
Over the Rainbow hai un lugar sen conflitos, un lugar lonxe onde non podes chegar en tren ou en barco. Detrás da lúa, alén do arco da vella
NOTA DE PRENSA JUDY GARLAND (OVER THE RAINBOW) na SALA GURUGU NOVEMBRO 2017 ESPECTACULO
Unha sorte de biopic onde a fragmentación do acontecemento, a presentación de personaxes relevantes na vida de Judy, amosados só nese intre en que acompañaron a evolución da actriz, levanos a un lugar de teatro alternativo onde a actriz executa unha tour de force para levarnos a entender a alma do personaxe homenaxeado. Mesturado coa narración histórica dun feito como o inicio das revoltas de Stonewall que acabaron por ser escollidas como o dia de celebración do “gaypride” a chamada de atención sobre os dereitos do colectivo LGTBQ. Unha posta en escena estilizada onde todo o público pode sentirse identificado co que viviu a Dorothy do Mago de Oz.
Un “one (wo)man show” que amosa a versatilidade e capacidades de Isabel de Toro
Un salón, un cabaré, a rúa...todos os espazos posibles para narrar a vida de Judy aparecen neste lugar limpo e onírico que só mediante o uso de iluminación e pequenos mobiliarios será transformado en cada sitio.
Unha proposta que baila entre a documentación historica, o musical homenaxe e a presentación da humanidade dun personaxe sometido pola sociedade a vivir nun lugar que soña un novo mundo onde as súas diferenzas sexan consideradas como normalidade. Un lugar alén do arco da vella onde todos sexamos de todas as cores e vivamos en armonía e felicidade.
Un equipo de creadores coruñeses pónse dacordo, coa mediación de Xosé Leis, para estrear en Galicia un texto creado por Ozkar Galán coa aspiración de converterse nun fito teatral sendo creado á vez por tres grupos de creadores diferentes , sendo o experimental da proposta así como da creación o acento de interés da mesma.
OVER THE RAINBOW é un proxecto plurinacional configurado polo autor Ozkar Galán.
A proposta consiste en levar a cabo a encenazón de diferentes propostas sobre un mesmo texto levadas a cabo por diferentes creadores en diferentes idiomas nun periodo de estrea o máis axustado posible (menos dun ano).
A primeira proposta é a proposta galega a cargo de Xosé Leis e con Isabel de Toro. Unha proposta en galego con artista galegos.
Unha proposta en castelán dirixida por Gorka Martín e interpretado por Armando Buika.
A terceira proposta que alumeará será proposta grega , a cargo de Styl Rodarelis. Unha version grega e en grego.
NOTA DE PRENSA JUDY GARLAND (OVER THE RAINBOW) na SALA GURUGU NOVEMBRO 2017 CREADORES
XOSÉ LEIS, Director . Formado con mestres da valía de John Strasberg, John Wright,
Carlo Boso, Alfredo Rodríguez, xa só busca facer que a realidade sexa vista como
verdade. Con máis de vinte anos dirixindo explora nesta peza os cambios de personaxe diante espectador.
OZKAR GALÁN, Autor. Licenciado en Dramaturxia pola RESAD e creador de máis de trinta textos. Autor de corte realista usando moitas veces personaxes reais sobre os que fabular historias inventadas. Ten en cartel “Edith Piaf , taxidermia de un gorrión”
ISABEL DE TORO, Actriz. Con longa traxectoria en teatro e audiovisual , aprendida de mestres coma Leonid Robermn, Jaroslaw Bielski, Ernesto Caballero, John Wright, Mar Navarro... Camiñando entre comedia e drama en compañias teatrais coma Espello Cóncavo, Dequenquén, Teatro Andamio. Sendo recoñecible o seu traballo en longametraxes multipremiados coma “El Desenlace” de Juan Pinzás, "Mucha Sangre" de Pepe de las Heras, ou series de éxito como “Mareas Vivas”, "Rías Baixas", "Nada es para siempre"...
%20(1).jpg)
%20(1)_P%C3%A1gina_1.jpg)
